обретение мощей преподобного Трифона Вятского (1684).
Из летописи
7192 (года) маія въ 28 день въ Хлыновѣ зачали въ Усненскомъ монастырѣ подъ каменную церковь рвы копать. И іюня противъ 3 числа, съ 1 часа нощи, преосвященный Iона архіепископъ того монастыря съ архимандритомъ Александромъ, отъ собора священники ключарь Михаилъ, да Іоанъ Семеновъ, крестовой священникъ. Трифонъ Волшей да ризничей Iосифъ Маренинъ, потщашася о обрѣтеніи мощей преподобнаго отца Трифона чУдотворца, бывша архимандрита тоя обители, труждахуся землю копающе своими руками, идѣже бѣ часовня надъ гробомъ преподобнаго. И въ 3 часу, въ 3 четверти часа, Божіимъ благоволеніемъ, обрѣтоша мощи преподобнаго отца Трифона, Вятцкого чудотворца; надъ святыми же его моіцми обрѣтется земли поларшина и менши, по странамъ же гробницы его земля мерзла была, и окопывать было велми трудно, а подъ снятыми его мощи и на верху тало; гробница же во множество лѣтъ отъ нестроенія послѣ пожаровъ и отъ многолитія дождевнаго изтрупѣ, но преставленіи бо его въ та лѣта надъ гробомъ его 4 пожара быша. И со псалмопѣніемъ, со свѣщами и кандилы, пренесоша святыя мощи во уготованную часовню, и по отпѣтіи понахиды преосвященный архіепископъ со благоговѣйными отцы въ часовнѣ втайнѣ святыя мощи свидѣтельствоваша, хвалу Трисвятому Богу со слезами воздающе: бяху же священный мощи изсохша въ нетлѣніи, ризы же его и схима невредимы, и на схимѣ подпись, яко на новой, преосвященный архіепископъ прочитаху, и опрятавше честнѣ и благоговѣйнѣ преложиша въ новую гробницу. По успеніи же преподобнаго отца до обрѣтенія мощей его преидоша 70 лѣтъ, понеже преставися 7122 года октября во 8 день.
Спицын, А. А. Свод летописных известий о Вятском крае. — Вятка, 1883. — 44 с.
Метки: Иона Тугаринов, Трифон_Вятский
| Пн | Вт | Ср | Чт | Пт | Сб | Вс | |||